1 Corinthians (Bohairic Coptic)

Coptic New Testament (Bohairic) · 437 sections

15.46
ⲁⲗⲗⲁ ⲡⲓⲡⲛⲉⲩⲙⲁⲧⲓⲕⲟⲛ ⲁⲛ ⲡⲉ ⲡⲓϣⲟⲣⲡ ⲁⲗⲗⲁ ⲡⲓⲯⲩⲭⲓⲕⲟⲛ ⲙⲉⲛⲉⲛⲥⲱϥ ⲡⲓⲡⲛⲁⲧⲓⲕⲟⲛ .
However that which is spiritual isn't first, but that which is natural, then that which is spiritual.
15.47
ⲡⲓⲣⲱⲙⲓ ⲛϩⲟⲩⲓⲧ ⲉⲃⲟⲗ ϧⲉⲛⲡⲕⲁϩⲓ ⲡⲉ ⲛⲣⲉⲙⲛⲕⲁϩⲓ ⲡⲓⲙⲁϩⲃ ⲛⲣⲱⲙⲓ ⲉⲃⲟⲗ ϧⲉⲛⲧⲫⲉ ⲡⲉ .
The first man is of the earth, made of dust. The second man is the Lord from heaven.
15.48
ⲙⲫⲣⲏϯ ⲙⲡⲓⲣⲉⲙⲛⲕⲁϩⲓ ⲡⲁⲓⲣⲏϯ ⲟⲛ ⲛⲓⲕⲉⲣⲉⲙⲛⲕⲁϩⲓ .
As is the one made of dust, such are those who are also made of dust; and as is the heavenly, such are they also that are heavenly.
15.49
ⲟⲩⲟϩ ⲙⲫⲣⲏϯ ⲙⲡⲓⲣⲉⲙⲙⲫⲉ ⲡⲁⲓⲣⲏϯ ⲟⲛ ⲛⲓⲕⲉⲣⲉⲙⲙⲫⲉ ⲟⲩⲟϩ ⲙⲫⲣⲏϯ ⲉⲧⲁⲛⲉⲣⲫⲟⲣⲓⲛ ⲛⲧϩⲓⲕⲱⲛ ⲙⲡⲓⲣⲉⲙⲛⲕⲁϩⲓ ⲙⲁⲣⲉⲛⲉⲣⲫⲟⲣⲓⲛ ⲛϯϩⲓⲕⲱⲛ ⲛⲧⲉⲡⲓⲣⲉⲙⲙⲫⲉ .
As we have borne the image of those made of dust, let's also bear the image of the heavenly.
15.50
ⲫⲁⲓ ⲇⲉ ϯϫⲱ ⲙⲙⲟϥ ⲛⲁⲥⲛⲏⲟⲩ ϫⲉⲥⲁⲣⲝ ϩⲓⲥⲛⲟϥ ⲥⲉⲛⲁⲉⲣⲕⲗⲏⲣⲟⲛⲟⲙⲓⲛ ⲁⲛ ⲛϯⲙⲉⲧⲟⲩⲣⲟ ⲛⲧⲉⲫⲛⲟⲩϯ ⲟⲩⲇⲉ ⲡⲧⲁⲕⲟ ϥⲛⲁⲉⲣⲕⲗⲏ ⲣⲟⲛⲟⲙⲓⲛ ⲁⲛ ⲛϯⲙⲉⲧⲁⲧⲧⲁⲕⲟ .
Now I say this, brothers, that flesh and blood can't inherit the Kingdom of God; neither does corruption inherit incorruption.
15.51
ϩⲏⲡⲡⲉ ⲟⲩⲙⲩⲥⲧⲏⲣⲓⲟⲛ ⲡⲉϯϫⲱ ⲙⲙⲟϥ ⲛⲱⲧⲉⲛ ⲧⲉⲛⲛⲁⲉⲛⲕⲟⲧ ⲙⲉⲛ ⲧⲏⲣⲟⲩ ⲁⲛ ⲥⲉⲛⲁϣⲟⲃⲧⲉⲛ ⲇⲉ ⲧⲏⲣⲟⲩ
Behold, I tell you a mystery. We will not all sleep, but we will all be changed,
15.52
ϧⲉⲛⲟⲩⲥⲟⲩⲥⲟⲩ ϧⲉⲛⲟⲩⲣⲓⲕⲓ ⲙⲃⲁⲗ ϧⲉⲛϯϧⲁⲉ ⲛⲥⲁⲗⲡⲓⲅⲅⲟⲥ ⲉⲥⲉⲙⲟⲩϯ ⲅⲁⲣ ⲛϫⲉϯⲥⲁⲗⲡⲓⲅⲝ ⲟⲩⲟϩ ⲛⲓⲣⲉϥⲙⲱⲟⲩⲧ ⲉⲩⲉⲧⲱⲟⲩⲛⲟⲩ ⲉⲩⲟⲓ ⲛⲁⲧⲁⲕⲟ ⲟⲩⲟϩ ⲁⲛⲟⲛ ϩⲱⲛ ⲥⲉⲛⲁϣⲟⲃⲧⲉⲛ .
in a moment, in the twinkling of an eye, at the last trumpet. For the trumpet will sound, and the dead will be raised incorruptible, and we will be changed.
15.53
ϩⲱϯ ⲅⲁⲣ ⲛⲧⲉⲫⲁⲓ ⲉⲑⲛⲁⲧⲁⲕⲟ ⲛⲧⲉϥϯϩⲓⲱⲧϥ ⲛϯⲙⲉⲧⲁⲧⲧⲁⲕⲟ ⲟⲩⲟϩ ⲫⲁⲓ ⲉⲑⲛⲁⲙⲟⲩ ⲛⲧⲉϥϯϩⲓⲱⲧϥ ⲛϯⲙⲉⲧⲁⲧⲙⲟⲩ .
For this corruptible must put on incorruption, and this mortal must put on immortality.
15.54
ϩⲟⲧⲁⲛ ⲇⲉ ⲁⲣⲉϣⲁⲛ ⲫⲁⲓ ⲉⲑⲛⲁⲙⲟⲩ ϯϩⲓⲱⲧϥ ⲛϯⲙⲉⲧⲁⲑⲙⲟⲩ ⲧⲟⲧⲉ ⲉϥⲉϣⲱⲡⲓ ⲛϫⲉⲡⲓⲥⲁϫⲓ ⲉⲧⲥϧⲏⲟⲩⲧ ϫⲉⲁⲩⲱⲙⲕ ⲙⲫⲙⲟⲩ ⲉⲩϭⲣⲟ .
But when this corruptible will have put on incorruption, and this mortal will have put on immortality, then what is written will happen: 'Death is swallowed up in victory.'
15.55
ⲁϥⲑⲱⲛ ⲡⲉⲕϭⲣⲟ ⲫⲙⲟⲩ ⲁⲥⲑⲱⲛ ⲧⲉⲕⲥⲟⲩⲣⲓ ⲫⲙⲟⲩ .
'Death, where is your sting? Hades
15.56
ⲧⲥⲟⲩⲣⲓ ⲅⲁⲣ ⲙⲫⲙⲟⲩ ⲫⲛⲟⲃⲓ ⲡⲉ ⲧϫⲟⲙ ⲇⲉ ⲙⲫⲛⲟⲃⲓ ⲫⲛⲟⲙⲟⲥ ⲡⲉ .
The sting of death is sin, and the power of sin is the law.
15.57
ⲡϩⲙⲟⲧ ⲇⲉ ⲙⲫⲛⲟⲩϯ ϣⲏⲡ ⲫⲁⲓ ⲉⲧϯ ⲙⲡⲓϭⲣⲟ ⲛⲁⲛ ⲉⲃⲟⲗ ϩⲓⲧⲉⲛⲡⲉⲛϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ .
But thanks be to God, who gives us the victory through our Lord Jesus Christ.
15.58
ϩⲱⲥⲧⲉ ⲛⲁⲥⲛⲏⲟⲩ ⲙⲙⲉⲛⲣⲁϯ ϣⲱⲡⲓ ⲉⲣⲉⲧⲉⲛⲧⲁϫⲣⲏⲟⲩⲧ ⲉⲣⲉⲧⲉⲛⲟⲓ ⲛⲁⲧⲕⲓⲙ ⲉⲣⲉⲧⲉⲛⲟⲓ ⲛϩⲟⲩⲟ ϧⲉⲛⲡⲓϩⲱⲃ ⲛⲧⲉⲡϭⲟⲓⲥ ⲛⲥⲏⲟⲩ ⲛⲓⲃⲉⲛ ⲉⲣⲉⲧⲉⲛⲉⲙⲓ ϫⲉⲡⲉⲧⲉⲛϧⲓⲥⲓ ϥϣⲟⲩⲓⲧ ⲁⲛ ϧⲉⲛⲡϭⲟⲓⲥ .
Therefore, my beloved brothers, be steadfast, immovable, always abounding in the Lord's work, because you know that your labor is not in vain in the Lord.
16.1
ⲉⲑⲃⲉⲡⲓⲥⲱⲣ ⲇⲉ ⲉⲧⲁϥϣⲱⲡⲓ ⲉⲑⲃⲉⲛⲓϩⲁⲅⲓⲟⲥ ⲙⲫⲣⲏϯ ⲉⲧⲁⲓⲟⲩⲁϩⲥⲁϩⲛⲓ ⲛⲛⲓⲉⲕⲕⲗⲏ ⲥⲓⲁ ⲛⲧⲉⲧⲅⲁⲗⲁⲧⲓⲁ ⲁⲣⲓⲟⲩⲓ ϩⲱⲧⲉⲛ ⲙⲡⲁⲓⲣⲏϯ
Now concerning the collection for the saints, as I commanded the assemblies of Galatia, you do likewise.
16.2
ⲕⲁⲧⲁⲫⲟⲩⲁⲓ ⲛⲛⲓⲥⲁⲃⲃⲁⲧⲟⲛ ⲙⲁⲣⲉ ⲡⲓⲟⲩⲁⲓ ⲡⲓⲟⲩⲁⲓ ⲙⲙⲱⲧⲉⲛ ⲭⲱ ⲛⲧⲟⲧϥ ⲉϥϩⲓⲟⲩⲓ ⲉϧⲟⲩⲛ ⲙⲫⲏ ⲉⲧⲉⲡⲉϥⲙⲱⲓⲧ ⲛⲁⲥⲱⲟⲩⲧⲉⲛ ⲛϧⲏⲧϥ ϩⲓⲛⲁ ⲙⲏⲡⲱⲥ ⲁⲓϣⲁⲛⲓ ⲧⲟⲧⲉ ⲛⲧⲉϩⲁⲛⲱⲡ ϣⲱⲡⲓ .
On the first day of the week, let each one of you save, as he may prosper, that no collections be made when I come.
16.3
ⲉϣⲱⲡ ⲇⲉ ⲁⲓϣⲁⲛⲓ ⲛⲏ ⲉⲧⲉⲧⲉⲛⲛⲁⲉⲣⲇⲟⲕⲓⲙⲁⲍⲓⲛ ⲙⲙⲱⲟⲩ ⲛⲁⲓ ⲉⲓⲉⲟⲩⲟⲣⲡⲟⲩ ⲉⲃⲟⲗ ϩⲓⲧⲉⲛϩⲁⲛⲉⲡⲓⲥⲧⲟⲗⲏ ⲉϭⲓ ⲙⲡⲉⲧⲉⲛϩⲙⲟⲧ ⲉⲓⲉⲣⲟⲥⲁⲗⲏⲙ .
When I arrive, I will send whoever you approve with letters to carry your gracious gift to Jerusalem.
16.4
ⲉϣⲱⲡ ⲇⲉ ⲉⲡⲓϩⲱⲃ ⲙⲡϣⲁ ⲉⲑⲣⲓϣⲉ ϩⲱ ⲉⲩⲉⲙⲟϣⲓ ⲛⲉⲙⲏⲓ .
If it is appropriate for me to go also, they will go with me.
16.5
ⲉⲓⲉⲓ ⲇⲉ ϩⲁⲣⲱⲧⲉⲛ ⲉϣⲱⲡ ⲁⲓϣⲁⲛⲥⲉⲛ ⲧⲙⲁⲕⲉⲇⲟⲛⲓⲁ ⲧⲙⲁⲕⲉⲇⲟⲛⲓⲁ ⲅⲁⲣ ϯⲛⲁⲥⲉⲛⲥ .
But I will come to you when I have passed through Macedonia, for I am passing through Macedonia.
16.6
ⲧⲁⲭⲁ ⲇⲉ ⲛⲧⲁⲟϩⲓ ϧⲁⲧⲉⲛⲑⲏⲛⲟⲩ ⲓⲉ ⲛⲧⲁⲉⲣϯⲫⲣⲱ ϩⲓⲛⲁ ⲛⲑⲱⲧⲉⲛ ⲛⲧⲉⲧⲉⲛⲧⲫⲟⲓ ⲉⲡⲓⲙⲁ ⲉϯⲛⲁϣⲉ ⲉⲣⲟϥ .
But with you it may be that I will stay, or even winter, that you may send me on my journey wherever I go.
16.7
ϯⲟⲩⲱϣ ⲅⲁⲣ ⲉⲛⲁⲩ ⲉⲣⲱⲧⲉⲛ ϯⲛⲟⲩ ⲉⲓⲭⲏ ϩⲓⲫⲙⲱⲓⲧ ϯⲉⲣϩⲉⲗⲡⲓⲥ ⲅⲁⲣ ⲉⲉⲣⲭⲣⲟⲛⲟⲥ ϧⲁⲧⲉⲛⲑⲏⲛⲟⲩ ⲉϣⲱⲡ ⲁⲣⲉϣⲁⲛ ⲡϭⲟⲓⲥ ⲟⲩⲁϩⲥⲁϩⲛⲓ .
For I do not wish to see you now in passing, but I hope to stay a while with you, if the Lord permits.
16.8
ϯⲛⲁϣⲱⲡⲓ ϧⲉⲛⲉⲫⲉⲥⲟⲥ ϣⲁϯⲡⲉⲛⲧⲏ ⲕⲟⲥⲧⲏ .
But I will stay at Ephesus until Pentecost,
16.9
ⲁϥⲟⲩⲱⲛ ⲅⲁⲣ ⲛⲏⲓ ⲛϫⲉⲟⲩⲛⲓϣϯ ⲛⲣⲟ ⲉϥⲉⲣϩⲱⲃ ⲛⲉⲙⲟⲩⲙⲏϣ ⲛⲁⲛⲧⲓⲕⲓⲙⲉⲛⲟⲥ .
for a great and effective door has opened to me, and there are many adversaries.
16.10
ⲉϣⲱⲡ ⲇⲉ ⲁⲣⲉϣⲁⲛ ⲧⲓⲙⲟⲑⲉⲟⲥ ⲓ ⲁⲛⲁⲩ ϩⲓⲛⲁ ⲛⲧⲉϥⲓ ϩⲁⲣⲱⲧⲉⲛ ⲁⲧϭⲛⲉϩⲟϯ ⲡⲓϩⲱⲃ ⲅⲁⲣ ⲛⲧⲉⲡϭⲟⲓⲥ ⲡⲉⲧⲉϥⲉⲣϩⲱⲃ ⲉⲣⲟϥ ⲙⲡⲁⲣⲏϯ ϩⲱ .
Now if Timothy comes, see that he is with you without fear, for he does the work of the Lord, as I also do.
16.11
ⲙⲡⲉⲛⲑⲣⲉ ϩⲗⲓ ⲟⲩⲛ ϣⲟϣϥ ⲙⲁϯⲫⲟϥ ⲇⲉ ϧⲉⲛⲟⲩϩⲓⲣⲏⲛⲏ ϩⲓⲛⲁ ⲛⲧⲉϥⲓ ϩⲁⲣⲟⲓ ϯⲥⲟⲙⲥ ⲅⲁⲣ ⲉⲃⲟⲗ ϧⲁϫⲱϥ ⲛⲉⲙⲛⲓⲥⲛⲏⲟⲩ .
Therefore let no one despise him. But set him forward on his journey in peace, that he may come to me; for I expect him with the brothers.
16.12
ⲉⲑⲃⲉⲁⲡⲟⲗⲗⲱ ⲇⲉ ⲡⲓⲥⲟⲛ ⲁⲓϯϩⲟ ⲉⲣⲟϥ ⲉⲙⲁϣⲱ ϩⲓⲛⲁ ⲛⲧⲉϥⲓ ϩⲁⲣⲱⲧⲉⲛ ⲛⲉⲙⲛⲓⲥⲛⲏⲟⲩ ⲟⲩⲟϩ ⲡⲁⲛⲧⲱⲥ ⲡⲉ ⲫⲟⲩⲱϣ ⲁⲛ ⲡⲉ ϩⲓⲛⲁ ⲛⲧⲉϥⲓ ϯⲛⲟⲩ ⲉϥⲉⲓ ⲇⲉ ϩⲁⲣⲱⲧⲉⲛ ⲁϥϣⲁⲛϫⲉⲙ ⲧⲉⲩⲕⲉⲣⲓⲁ .
Now concerning Apollos, the brother, I strongly urged him to come to you with the brothers; and it was not at all his desire to come now; but he will come when he has an opportunity.
16.13
ⲣⲱⲓⲥ ⲟⲩⲛ ⲟⲩⲟϩ ⲟϩⲓ ⲉⲣⲁⲧⲉⲛ ⲑⲏⲛⲟⲩ ϧⲉⲛⲫⲛⲁϩϯ ϭⲣⲟ ⲙⲙⲱⲧⲉⲛ ⲟⲩⲟϩ ϫⲉⲙⲛⲟⲙϯ .
Watch! Stand firm in the faith! Be courageous! Be strong!
16.14
ϩⲱⲃ ⲛⲓⲃⲉⲛ ⲉⲧⲉⲛⲧⲱⲧⲉⲛ ⲙⲁⲣⲟⲩϣⲱⲡⲓ ϧⲉⲛⲟⲩⲁⲅⲁⲡⲏ .
Let all that you do be done in love.
16.15
ϯϯϩⲟ ⲟⲩⲛ ⲉⲣⲱⲧⲉⲛ ⲛⲉⲛⲥⲛⲏⲟⲩ ⲧⲉⲧⲉⲛⲥⲱⲟⲩⲛ ⲙⲡⲏⲓ ⲛⲥⲧⲉⲫⲁⲛⲁ ⲛⲉⲙⲫⲟⲣⲧⲟⲩⲛⲁⲧⲟⲥ ϫⲉⲧⲁⲣⲭⲏ ⲛⲧⲉϯⲁⲭⲁⲓⲁ ⲧⲉ ⲟⲩⲟϩ ⲁⲩⲑⲁϣⲟⲩ ⲉⲩⲇⲓⲁⲕⲟⲛⲓⲁ ⲛⲛⲓϩⲁⲅⲓⲟⲥ .
Now I beg you, brothers (you know the house of Stephanas, that it is the first fruits of Achaia, and that they have set themselves to serve the saints),
16.16
ϩⲓⲛⲁ ⲛⲑⲱⲧⲉⲛ ϩⲱⲧⲉⲛ ⲛⲧⲉⲧⲉⲛϭⲛⲉϫⲱⲧⲉⲛ ⲛⲛⲁⲓⲟⲩⲟⲛ ⲙⲡⲁⲓⲣⲏϯ ⲛⲉⲙⲟⲩⲟⲛ ⲛⲓⲃⲉⲛ ⲉⲧⲟⲓ ⲛϣⲫⲏⲣ ⲛⲣⲉϥⲉⲣϩⲱⲃ ⲟⲩⲟϩ ⲉⲧϧⲟⲥⲓ .
that you also be in subjection to such, and to everyone who helps in the work and labors.
16.17
ϯⲣⲁϣⲓ ⲇⲉ ⲉϫⲉⲛⲧⲡⲁⲣⲟⲩⲥⲓⲁ ⲛⲥⲧⲉⲫⲁⲛⲁ ⲛⲉⲙⲫⲟⲣⲧⲟⲩⲛⲁⲧⲟⲥ ⲛⲉⲙⲁⲭⲁⲓⲕⲟⲥ ϫⲉⲡⲉⲧⲉⲛϭⲣⲟϩ ⲛⲁⲓ ⲁⲩϫⲉⲕⲣⲱϥ .
I rejoice at the coming of Stephanas, Fortunatus, and Achaicus; for that which was lacking on your part, they supplied.
16.18
ⲁⲩϯⲙⲧⲟⲛ ⲅⲁⲣ ⲙⲡⲁⲡⲛⲉⲩⲙⲁⲛⲉⲙ ⲫⲱⲧⲉⲛ ⲥⲟⲩⲉⲛ ⲛⲁⲓⲟⲩⲟⲛ ⲟⲩⲛ ⲙⲡⲁⲓⲣⲏϯ .
For they refreshed my spirit and yours. Therefore acknowledge those who are like that.
16.19
ⲥⲉϣⲓⲛⲓ ⲉⲣⲱⲧⲉⲛ ⲛϫⲉⲛⲓⲉⲕⲕⲗⲏⲥⲓⲁ ⲛⲧⲉϯⲁⲥⲓⲁ ⲥⲉϣⲓⲛⲓ ⲉⲣⲱⲧⲉⲛ ⲉⲙⲁϣⲱ ϧⲉⲛⲡϭⲟⲓⲥ ⲛϫⲉⲁⲕⲩⲗⲁ ⲛⲉⲙⲡⲣⲓⲥⲕⲁ ⲛⲉⲙϯⲉⲕⲕⲗⲏⲥⲓⲁ ⲛⲧⲉⲡⲟⲩⲏⲓ .
The assemblies of Asia greet you. Aquila and Priscilla greet you much in the Lord, together with the assembly that is in their house.
16.20
ⲥⲉϣⲓⲛⲓ ⲉⲣⲱⲧⲉⲛ ⲛϫⲉⲛⲓⲥⲛⲏⲟⲩ ⲧⲏⲣⲟⲩ ⲉⲑⲛⲉⲙⲏⲓ ⲁⲣⲓⲁⲥⲡⲁⲍⲉⲥⲑⲉ ⲛⲛⲉⲧⲉⲛⲉⲣⲏ ⲟⲩ ϧⲉⲛⲟⲩⲫⲓ ⲉⲥⲟⲩⲁⲃ .
All the brothers greet you. Greet one another with a holy kiss.
16.21
ⲡⲁⲁⲥⲡⲁⲥⲙⲟⲥ ϧⲉⲛⲧⲁϫⲓϫ ⲁⲛⲟⲕ ⲡⲁⲩⲗⲟⲥ .
This greeting is by me, Paul, with my own hand.
16.22
ⲫⲏ ⲉⲧⲉⲛϥⲙⲉⲓ ⲙⲡⲉⲛϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ ⲁⲛ ⲙⲁⲣⲉϥϣⲱⲡⲓ ⲛⲟⲩⲁⲛⲁⲑⲉⲙⲁ ⲙⲁⲣⲁⲛⲁⲑⲁ .
If any man doesn't love the Lord Jesus Christ, let him be accursed
16.23
ⲡϩⲙⲟⲧ ⲙⲡⲉⲛϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ ⲛⲉⲙⲱⲧⲉⲛ .
The grace of the Lord Jesus Christ be with you.
16.24
ⲧⲁⲁⲅⲁⲡⲏ ⲛⲉⲙⲱⲧⲉⲛ ⲧⲏⲣⲟⲩ ϧⲉⲛⲡⲭⲣⲓⲥⲧⲟⲥ ⲓⲏⲥⲟⲩⲥ ⲁⲙⲏⲛ
My love to all of you in Christ Jesus. Amen.

Bohairic Coptic New Testament, Coptic SCRIPTORIUM (github.com/CopticScriptorium/corpora, corpus bohairic.nt). Coptic text from Marcion / Hany Takla; annotation by Nina Speranskaja, Nicholas Wagner and Amir Zeldes. English is the World English Bible (public domain), aligned by Coptic SCRIPTORIUM. Licence: CC-BY 4.0. Source.